Visit Norðoy

Um okkum

Visit Norðoy kunnar føroyskum og útlendskum ferðandi í Norðoyggjum, og vit taka hvørt ár ímóti sløkum 25.000 ferðafólkum. Vit halda til í søguliga handilsbygninginum hjá Kjølbro við Biskupstøðtorg í Klaksvík og umboða Fugloy, Svínoy, Viðoy, Borðoy, Kunoy og Kalsoy.

Vit samskipa nógvar ymiskar túrar. Skipað verður fyri gongutúrum, túrum í báti og í bili, og tú kanst enntá leiga tær eina súkklu og uppliva Norðoyggjar á tveimum hjólum. Tit velja, og vit skipa fyri.

Hjá okkum kanst tú bóka tína gisting í Norðoyggjum. Her er valið frítt ímillum Ból og Bita, íbúðir, summarhús, tjalding ella gistingarhús.

Vit hava fingurin á pulsinum, tá ið tað snýr seg um mentanarlig tiltøk, og vit arbeiða í tøttum samstarvi við allar eldsálirnar og smáu íverksatararnar, sum virka innan ferðavinnuna í Norðoyggjum.

Hetta ger okkum før fyri at lata dyrnar upp fyri tykkum, so tit kunnu uppliva stórslignu náttúruna og mentanina í Norðoyggjum júst soleiðis, sum tit hava hug til.

Tú finnur okkum her:

Tingstøðin, 700 Klaksvík

tel +298 45 69 39

fax +298 45 65 86

info@klaksvik.fo

Avgreiðslutíðir

01. september – 31.apríl:

Mánadag – fríggjadag   09.00 – 16.00

01. mai – 31. august:

Mánadag – fríggjadag   09.00 – 17.00

01. juni – 31. august:

Leygardag                   10.00 – 14.00