Loading...
Other sites

Use the icon on pages to add to favourites.

See & Do

{{::favorite.region}}

{{::favorite.title}}

{{::favorite.excerpt}}

Editorials

{{::favorite.region}}

{{::favorite.title}}

{{::favorite.excerpt}}

Events

{{::favorite.region}}

{{::favorite.title}}

{{::favorite.excerpt}}

Viðtøkur

Viðtøkur fyri felagið Ferðavinnan í Norðoyggjum

 

1    Navn og heimstaður

Navn felagsins er ”Ferðavinnan í Norðoyggjum”, við heimstaði í Klaksvík.

 

2    Endamál felagsins

Endamál felagsins er at virka fyri at savna og geva út upplýsingar um Norðoyggjar, og um virksemi í Norðoyggjum, til borgararnar og vitjandi. Herundir eisini innan- eins væl og uttanlands at skapa áhuga fyri Norðoyggjum og stuðla handli, ferðavinnu, mentan; og annars virka við í, at lívið í Norðoyggjum gerst áhugavert fyri øll.

 

3    Limaskapur

Limir felagsins kunnu vera einstaklingar, feløg, fyritøkur, stovnar og kommunur.

Bert limir, sum hava goldið limagjald, kunnu fáa lut í vinnuligu tænastum felagsins.

Limagjaldið, sum kann verða ymiskt fyri ymisku limabólkarnar, ásetir aðalfundurin. Kvittan fyri limagjald er prógv fyri limaskapi.

 

4    Aðalfundur

Aðalfundurin er hægsta vald felagsins. Avgerðir verða tiknar við vanligum meiriluta, og hevur hvør limur eina atkvøðu.

Árligi aðalfundurin skal vera áðrenn 1. juni og skal fráboðast limunum skrivliga við eini dagsskrá og limagjaldsuppkravi í seinatsa lagi 14 dagar áðrenn. Aðalfundurin er altíð viðtøkuførur.

Atkvøðurætt á aðalfundinum hevur limur, sum hevur goldið limagjald.

Aðalfundarskrá:

Val av fundarstjóra og fundarskrivara.

Frásøgn nevndarinnar frá virki felagsins farna árið.

Framløga og góðkenning av grannskoðaðum roknskapi.

Framløga av fíggjarætlan fyri komandi ár til kunningar.

Val av nevndbarlimum.

Val av grannskoðara.

Uppskot til limagjaldsupphædd.

Orðaskifti um arbeiðið komandi árið.

Uppskot frá nevnd ella limum.

Innkomin mál. Freist 1 vika áðrenn fundin.

Ymiskt.

 

5    Eykaaðalfundur

Eykaaðalfundur skal vera, um meira enn helvtin av nevndini krevur hetta, ella í minsta lagi 15 limir skrivliga boða nevndini frá hesum. Eykaaðalfundur skal fráboðast limunum skrivliga við eini dagsskrá í seinasta lagi 14 dagar áðrenn. Eykaaðalfundurin er altíð viðtøkuførur.

 

6    Nevnd

Nevndin telur 5 limir, sum sita 2 ár í senn. Annaðhvørt ár standa 2 nevndarlimir fyri vali, og annaðhvørt ár standa 3 limir fyri vali. Tiltakslimir verða valdir fyri allar nevndarlimir.

Klaksvíkar kommuna velur 2 nevndarlimir, annar teirra skal umboða umsiting kommununar, og hin skal umboða mentanarøkið. Hinar kommunurnar í Norðoyggjum velja ein lim. Kommunustýrislimir kunnu ikki í nevndini umboða kommununa, sum teir sita í. Felagið «Ferðavinnan í Norðoyggjum» velur 2 limir, ein umboðandi handilsvinnuna og ein ferðavinnuna.

Á ársaðalfundinum í 2019 standa allir nevndarlimir fyri vali. 2 limir verða valdir fyri 1 ár, lutakast avger, hvørjir teir eru.

Nevndarlimur, ella tann hann umboðar, skal vera limur í felagnum ”Ferðavinnan í Norðoyggjum”.

Nevndin skipar seg við formanni, næstformanni og kassameistara.

Allar umrøður og samtyktir verða førdar í gerðabók, sum fundarluttakararnir undirskriva.

Nevndin er viðtøkufør, tá ið í minsta lagi 3 limir eru møttir á fundi.

Nevndin kemur saman í minsta lagi 1 ferð um mánaðin. Nevndarlimir fáa fundarsamsýning eftir almennum reglum.

Nevndin ger sær sína fundarskipan.

 

7    Tekningarreglur

Formaðurin og 2 nevndarlimir ella 3 nevndarlimir saman tekna felagið.

Nevndarsamtykt krevst til keyp, sølu og veðseting av fastari ogn, eins og til lántøku, og at allir nevndarlimir skriva undir  undir viðkomandi skjøl.

Visit Norðoy (sí grein 9), sum «Ferðavinnunan í Norðoyggjum» rekur, verður teknað av leiðaranum, sum nevndin setir at umsita hana. Við keypi og sølu av fastari ogn hjá Visit Norðoy krevst nevndarsamtykt og undirskrift frá formanninum og leiðara.

 

8    Ábyrgd

Eingin limur ella nevndarlimur heftir persónliga fyri skyldum felagsins. Felagið heftir bert við ognum sínum.

 

9    Virksemi

Virksemi felagsins verður skipað gjøgnum Visit Norðoy, sum felagið rekur, og sum verður fíggjað við limagjaldi, stuðulsjáttan frá kommununum, við avtalum um partalag og við  inntøkum frá sølu av vørum og tænastum.

Uppgávurnar hjá Visit Norðoy eru:

At kunna um og marknaðarføra Norðoyggjar, bæði innan- og uttanlendis,

At leggja til rættis og fáa framleitt kunningartilfar um Norðoyggjar í hóskandi formi og í viðkomandi miðlum.

Við skipaðum skráum at kunna borgarar og vitjandi um, hvat fer fram av tiltøkum í økinum, sum má tykjast at hava almennan áhuga.

At skipa fyri sølu- og handilsfremjandi tiltøkum, haldilslívinum í økinum at gagni.

At skipa fyri almennum tiltøkum, borgarum og vitjandi at gagni.

At samskipa og menna limir felagsins við skipaðari kunning og felags tiltøkum.

10    Stjóri og starvsfólk

Til at umsita dagliga virksemið hjá Visit Norðoy setir nevndin stjóra, sum eisini er skrivari hjá nevndini. Stjórin setir og loysir úr starvi starvsfólk.

 

11    Fígging

Limirnir gjalda limagjald. Limagjaldið verður ásett á ársaðalfundinum fyri eitt ár í senn, og kann vera ymiskt fyri virkir, handlar, stovnar, feløg og einstaklingar.

Nevndini er heimilað at fáa til vega pening á annan hátt. Eitt nú við at søkja um almennan stuðul, gera avtalur um partalag ella søkja almennar og privatar grunnar.

Somuleiðis er Visit Norðoy heimilað at stíla fyri sølu og inntøkugevandi tiltøkum. Handilsligt virksemi av hesum slag kann, um nevndin ger tað av, hava serstakan roknskap.

 

12   Roknskaparár

Roknskaparár felagsins er álmannakkaárið. Roknskapin skal góðkendur grannskoðari grannskoða og  nevndin skriva undir. Sama er galdandi fyri roknskapir hjá Visit Norðoy, tó skal leiðarin eisini skriva undir hann.

 

13    Lógarbroyting

Uppskot um lógarbroyting skal lýsast sum serstakt mál á árs- ella eykaaðalfundi. At samtykkja lógarbroyting krevst, at í minsta lagi tveir triðingar av møttu limunum atkvøða fyri.

 

14    Avtøka av felagnum

Til avtøku av felagnum krevst viðtøka á eykaaðalfundi, lýstur við einans hesum máli á skránni. At samtykkja at taka av felagið krevst, at í minsta lagi tveir triðingar av møttu limunum atkvøða fyri avtøku.

Um felagið verður tikið av, verða ognir felagsins at nýta ferðavinnuni í Norðoyggjum at gagni.